Gerðist boss og gegndi oss.
Gekk með blossum frami.
Valdi tossum vesalkross
verinn hrossatami.
Síðbúin kveðja
Upp með launin
Nýja Íslandi sé ég svíða
-senn verður máð af korti-
enda berlega byrjað að líða
af bankastjóraskorti.
Fjórða valdið
Ég drekk í mig fróðlegar fréttir
og fræðist um þjóðir og stéttir
en þegar ég þekki
þykja mér ekki
pistlarnir penir og réttir.
Heimsósómi
Margt er í heimi sem mæða kann:
Múbarak burtu flytur,
alþýðu Gaddafi ofbjóða vann
en Ólafur Ragnar situr.
Mr Wiki Leaks
Menn segj´ann til fljóða frekan
og fjölmargir vilj´ann sekan
en blessuð hnátan
var bláeyg að lát´ann
sjálfan setja undir lekann.
Til bóta
Á Fróni okkar mjög svo mætu
margra hagur batnaði
ef þeir sem um völdin sitja sætu
í sýnileikafatnaði.
Til Katalinu
Íslenskir karlmenn, þeir eru sko alls engar gungur,
elskhugar góðir segja nú ólygnar tungur,
en konurnar frónsku eru á allt öðru plani
svo útrás finna þeir hjá hinu dökka mani.
