Þó heilagar saurgi menn hallir
hrokans í freistingu fallnir
svo öskrin á fundum
æri á stundum
vér mótmælum alls ekki allir.
Mótmælum vér?
Handbolti? E-hm
Þó leikhópinn sæjum við svalan
var sorglega auðvelt að mal´ann.
En batinn er vís
og bráðlega rís
væntingavísitalan.
Nýjasti meirihlutinn
Makaskiptin nú ganga greitt.
Gjörnýtast brúðarslörin.
Fengu þó ekki að flangsa neitt
Framsóknarhnífapörin.
Föt og rýtingar
Bandamenn bjóða sig fala.
Á bak um sitt heimafólk tala.
En fötin þess gjalda
hve grýtt er til valda
á gullöld rýtingasala.
Staksteinar?
Ráðamenn rökstyðja af list.
Refskákin ekki nein wist.
Pétur, greykallinn,
á prófinu fallinn
því pabbi hans byrjaði fyrst.
Kofana burt
Kofana mega þeir massa
sem Mammoni hvergi passa.
Þið hljótið að sjá
að hér þarf að fá
hámóðins gámakassa.
