Ásdís Rán

Missum ei móðinn strax.
Munum að leita lags:
     Þó allt sé “down”
     er Ásdís Rán
fáklædd á forsíðu Max.

Published in: on október 30, 2008 at 5:33 pm Ummæli (1)

Þjóðráð

Nú þegar sorg er í sinni
og sútin hangir í minni
     er lagið að taka
     lykkju til baka
og lifa í fortíðinni.

Published in: on október 28, 2008 at 9:13 pm Rita ummæli

Nú má ég

Hvað veldur nú vorum raunum
veit ég hreint ekki baun um
     en lýsi mig fúsan
     að borga brúsann
enda á ofurlaunum.

Published in: on október 27, 2008 at 12:42 pm Rita ummæli

Gordon Brown II

Gordon sem gerræði unni
gerði það vel sem hann kunni:
     Fórnaði oss
     og festi á kross
með örlítið óbragð í munni.

Published in: on október 23, 2008 at 2:25 pm Rita ummæli

Áfram

Engan vil sækja til saka
né sífellt að horfa til baka
     því peningum náum
     og prúðbúin fáum
að vera hér úti að aka.

Published in: on október 22, 2008 at 4:57 pm Rita ummæli

Ensk smjörklípa

Kaupþingi á kúpuna sneri
klípa sem gerð er úr sméri
     frá Gordoni Brown,
     grímunnar án,
og elskunni Allisteri.

Published in: on október 20, 2008 at 6:42 pm Rita ummæli

Glataður sparnaður

Á dal mínum hefur nú harðnað.
Af hagsýni gat ég ei barnað
     konuna – núna
     kvelur það frúna:
Ég eyddi því öllu í sparnað.

Published in: on október 19, 2008 at 11:39 am Rita ummæli
« Older Entries