Kjartans mun Suðurland sakna
ef Sjálfstæðisböndin þar rakna
því hörð verður leit
að höldi í sveit
er hrósar sér án þess að vakna.
Áfram Kjartan
Auglýsing
Það tekur víst engu tali
um tilgang og leit að ég mali
en furðulegt var
að finna það, mar,
að ég fékk það í Harðviðarvali.
Tímabær spurning
Davíð, hann fær ekki að fjúka
þó fáir nú vilji hann brúka.
Því verður hann kyr
en hvert var það, ég spyr,
verkið sem þarf hann að ljúka?
Styttist í verklok
Fremd er að foringja sterkum
sem forðast að ljúka ei verkum.
Nú brýnt er að treysta
hann brátt nái að kreista
öndina úr vorum kverkum.
Vel sloppið
Fjölni á sundi sé
sælan í Tjörninne
frjálsan, ó Gvöð
frá þeirri kvöð
að fullnægja kryddi B.
Ný framsókn
Liggur nú aftur leiðin til baka
frá lygum og sýndarrökum
því framsóknarmenn okkar fjármál taka
föstum vettlingatökum.
Verja hvað?
Í framsóknina færist hiti.
Finnst þó á sá galli
að enginn skuli vilja af viti
verja okkur falli.
